“അവിടെയാണ് മമ്മൂട്ടിയുടേയും മോഹന്‍ലാലിന്റേയും മഹത്വം”, എല്ലാ നടന്മാര്‍ക്കും എല്ലാ വേഷവും ചേരില്ല എന്ന് വീണ്ടും ചൂണ്ടിക്കാട്ടി എംഎ നിഷാദ്

ചില നടീനടന്മാരെക്കുറിച്ച് ഒരു ടെലിവിഷന്‍ ചാനല്‍ അഭിമുഖത്തില്‍ ചില അഭിപ്രായപ്രകടനങ്ങള്‍ നടത്തിയതിനാല്‍ സംവിധായകന്‍ എംഎ നിഷാദിനെതിരെ വിമര്‍ശനമുണ്ടാകുന്നുണ്ട്. എന്നാല്‍ വിമര്‍ശനങ്ങള്‍ മനസിലാക്കിക്കൊണ്ടുതന്നെ സത്യത്തിന്റെ മുഖം വികൃതമാകാം എന്ന് ചൂണ്ടിക്കാട്ടുകയാണ് നിഷാദ്. തന്റെ പുതിയ സോഷ്യല്‍ മീഡിയാ കുറിപ്പിലൂടെയാണ് അദ്ദേഹം തന്റെ അഭിപ്രായം പ്രകടിപ്പിച്ചത്.

“സിനിമ കായികയിനമല്ല, അവിടെ വിജയമോ തോല്‍വിയോ എന്ന രണ്ടേരണ്ട് കാര്യങ്ങളാണ് വ്യത്യസ്തത സൃഷ്ടിക്കുന്നത്. ഇതിലെ തമാശ ചില ആളുകളുടെ വിചാരം അവര്‍ക്ക് എല്ലാ വേഷവും ചേരും എന്ന ചിന്തയുണ്ട് എന്നതാണ്. പക്ഷേ ശരിക്കും ചില കഥാപാത്രങ്ങള്‍ ചിലര്‍ക്കുമാത്രമേ യോജിക്കുകയുള്ളൂ”, അദ്ദേഹം കുറിച്ചു.

ഇക്കാര്യത്തിലാണ് മമ്മൂട്ടിയുടെയും മോഹന്‍ലാലിന്റെയും മഹത്വം നമ്മള്‍ അറിയുന്നതെന്നും, ഇത്തരം സത്യങ്ങളുടെ മുഖം വികൃതമാകാമെന്നും നിഷാദ് പറയുന്നു.

നേരത്തെ, താന്‍ സംവിധാനം ചെയ്ത ബെസ്റ്റ് ഓഫ് ലക്ക് എന്ന ചിത്രത്തേക്കുറിച്ച് അദ്ദേഹം നടത്തിയ പരാമര്‍ശങ്ങളാണ് വിവാദമായത്. അതില്‍ അഭിനയിച്ചവര്‍ ഹ്യൂമര്‍ അഭിനയിക്കാന്‍ അറിയാത്തവരാണെന്നും പ്രഭുവിന്റെയും ഉര്‍വശിയുടേയും കൂടെ അവര്‍ക്ക് പിടിച്ചുനില്‍ക്കാന്‍ സാധിച്ചില്ലെന്നും അദ്ദേഹം അഭിപ്രായപ്പെട്ടു. ഇതാണ് വിമര്‍ശനങ്ങള്‍ക്ക് തിരികൊളുത്തിയത്.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top