ഓള്‍ ഇംഗ്ലണ്ട് ബാഡ്മിന്റണ്‍ ചാമ്പ്യന്‍ഷിപ്പ്: പിവി സിന്ധു പുറത്ത്

പിവി സിന്ധു

ബര്‍മിങ്ഹാം: ഓള്‍ ഇംഗ്ലണ്ട് ബാഡ്മിന്റണ്‍ ചാമ്പ്യന്‍ഷിപ്പില്‍ ഇന്ത്യയുടെ പിവി സിന്ധു ഫൈനല്‍ കാണാതെ പുറത്ത്. സെമിയില്‍ ജപ്പാന്റെ അകാനെ യമാഗുച്ചിയോട് ഒന്നിനെതരെ രണ്ട് ഗെയിമുകള്‍ക്കായിരുന്നു സിന്ധുവിന്റെ തോല്‍വി. സ്‌കോര്‍ 19-21, 21-19, 21-18.

ആദ്യഗെയിം 21-19 ന് സ്വന്തമാക്കിയ സിന്ധുവിന് 19-21 ന് രണ്ടാം ഗെയിം നഷ്ടമായി. നിര്‍ണായകമായ മൂന്നാം ഗെയിമില്‍ മുന്നിട്ട് നിന്നശേഷമായിരുന്നു സിന്ധുവിന്റെ തോല്‍വി. 13-7 ന് മുന്നിട്ട് നിന്ന സിന്ധുവിനെ അവസാന നിമിഷം 21-18 ന് അകാന മറികടക്കുകയായിരുന്നു.

ഫൈനലില്‍ ലോക ഒന്നാം നമ്പറായ തായ് സു യിങാണ് അകാനെയുടെ എതിരാളി. ഓള്‍ ഇംഗ്ലണ്ട് ബാഡ്മിന്റണിന്റെ സെമിയില്‍ ആദ്യമായാണ് സിന്ധു എത്തിയത്. വനിതാ സിംഗിള്‍സ് ക്വാര്‍ട്ടറില്‍ ജപ്പാന്റെ നൊസോമി ഒക്കുഹാരയെ ഒന്നിനെതിരെ രണ്ട് ഗെയിമുകള്‍ക്കാണ് സിന്ധു വീഴ്ത്തിയത്.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top