‘കുഞ്ഞു മനസ്സിനെ വിഡ്ഢിയാക്കി എന്തു പ്രാധാന്യമാണ് ഒരു തുറിച്ചു നോട്ടത്തിനോ ഒരു ക്യാമ്പയിനോ ഒരമ്മയ്ക്കുള്ളത്’; മുലയൂട്ടല്‍ ചിത്രത്തിനെതിരെ ഷീലു എബ്രഹാം

ഷീലു എബ്രഹാം

തുറിച്ചു നോക്കരുത് ഞങ്ങള്‍ക്ക് മുലയൂട്ടണം എന്ന തലക്കെട്ടോടെ മറച്ചു പിടിക്കാതെ മുലയൂട്ടുന്ന മോഡലിനെ കവര്‍ ചിത്രമാക്കി ഗൃഹലക്ഷ്മിയുടെ പുതിയ ലക്കത്തിനെതിരെ വിമര്‍ശനവുമായി നടിയായ ഷീലു എബ്രഹാം. ഫെയ്‌സ് ബുക്കിലൂടെയാണ് ഷീലു മുലയൂട്ടല്‍ ചിത്രത്തിനെതിരെ തന്റെ പ്രതിഷേധം രേഖപ്പെടുത്തിയിരിക്കുന്നത്.

പ്രിയപ്പെട്ടവരേ, ഞാന്‍ രണ്ടു കുട്ടികളുടെ അമ്മയാണ്. മുലയൂട്ടുക എന്നുള്ളത് ഒരു അമ്മയുടെ ഏറ്റവും പാവനവും പരിശുദ്ധവുമായ വികാരമാണ് എന്ന് പറഞ്ഞാണ് ഷീലു തന്റെ ഫെയ്‌സ് ബുക്ക് പോസ്റ്റ് ആരംഭിക്കുന്നത്. എന്നിലെ അമ്മ എപ്പോഴും സ്വാര്‍ത്ഥയാണെന്നും മുലയൂട്ടലിന്റെ കാര്യത്തില്‍ തുറിച്ചു നോട്ടങ്ങള്‍ ഉണ്ടോ എന്ന് നോക്കാറില്ലെന്നും ഷീലു പറയുന്നു.

പൊതു സ്ഥലത്തിരുന്ന് മുലയൂട്ടിയിട്ടുണ്ട്. എന്നാല്‍ മോശമായ അനുഭവങ്ങള്‍ തനിക്ക് ഉണ്ടായിട്ടില്ല. ഒരു കുഞ്ഞു മനസിനെ വിഡ്ഢിയാക്കി എന്ത് പ്രാധാന്യമാണ് തുറിച്ചു നോട്ടത്തിനോ ഒരു ക്യാമ്പയിനിനോ ഒരമ്മയ്ക്കുള്ളതെന്നും ഷീലു ചോദിക്കുന്നു.

ഷീലുവിന്റെ ഫെയ്‌സ് ബുക്ക് പോസ്റ്റിന്റെ പൂര്‍ണ്ണ രൂപം

പ്രിയപ്പെട്ടവരേ, ഞാൻ രണ്ടു കുട്ടികളുടെ അമ്മ ആണ് . മുലയൂട്ടുക എന്നുള്ളത് ഒരു അമ്മയുടെ ഏറ്റവും പാവനവും പരിശുദ്ധവും ആയ വികാരം ആണ്. ദൈവികമാണ്. അതിലൂടെ വിശപ്പ്‌ മാറ്റുക എന്നതിലുപരി സ്ട്രോങ്ങ്‌ ബോണ്ടിങ് ആണ് രൂപപ്പെടുന്നത്. ആ മാതൃസ്നേഹം കുഞ്ഞു അനുഭവിച്ചു തുടങ്ങുന്നത് മുലപ്പാലിലൂടെയും. എന്നിലെ അമ്മ എപ്പോഴും സ്വാർത്ഥത ഉള്ള അമ്മ ആണ് . മുലയൂട്ടലിന്റെ കാര്യത്തിൽ പ്രത്യേകിച്ചും. അവിടെ തുറിച്ചു നോട്ടങ്ങൾ ഉണ്ടോ എന്നൊന്നും നോക്കാറില്ല. ആരെയും തുറന്നു കാണിക്കാതെ മുലയൂട്ടാൻ ആണ് എല്ലാ അമ്മയും ഇഷ്ടപ്പെടുക. കാരണം ആ സ്വകാര്യത അമ്മയ്ക്കും കുട്ടിക്കും മാത്രം അവകാശപ്പെട്ടതാണ്. അങ്ങനെ തന്നെ പബ്ലിക് സ്ഥലത്തും മുലയൂട്ടിയിട്ടുണ്ട്. ബാഡ് എക്സ്പീരിയൻസ് ഉണ്ടായിട്ടില്ല. പിന്നെ എന്റെ കുട്ടിക്കു മറ്റൊരു സ്ത്രീ മുലയൂട്ടുന്നത് എന്നിലെ അമ്മയ്ക്ക് ചിന്തിക്കാൻ പോലും കഴിയില്ല. അതും അമ്മയാകാത്ത പാല് ചുരത്താത്ത ഒരു സ്ത്രീയിൽ നിന്നും. ആ കുഞ്ഞു മനസ്സിനെ വിഡ്ഢി ആക്കിയിട്ടു എന്തു importance ആണ് ഒരു തുറിച്ചു നോട്ടത്തിനോ ഒരു ക്യാമ്പയിനോ ഒരമ്മയ്ക്കുള്ളത് ? This is my personal opinion, if anyone is hurt i am sorry.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top