രാഷ്ട്രീയം സംസാരിക്കാനായി ഒരു ചായക്കട; പാര്‍ട്ടി സമ്മേളന നഗരിയില്‍ വ്യത്യസ്തമായ ഒരു കാഴ്ച

രാഷ്ട്രീയം സംസാരിച്ചാല്‍ പ്രശ്‌നമില്ലാത്ത ഒരു ചായക്കട. ഒരു പക്ഷെ രാഷ്ട്രീയം സംസാരിക്കാനായി മാത്രമുള്ള ചായക്കടയെന്നും ഇതിനെ പറയാം. തൃശൂരില്‍ സിപിഐഎം സംസ്ഥാന സമ്മേളനനഗരിയില്‍ ഒരുക്കിയിരിക്കുന്നതാണ് വ്യത്യസ്തമായ ഈ ചായക്കട. നിരവധി പേരാണ് ഈ ചായക്കട സന്ദര്‍ശിക്കാനെത്തുന്നത്.

‘പ്രാഞ്ചിയേട്ടന്‍സ് ചായക്കട’ എന്ന പേരിലുള്ള ഈ ചായക്കടയില്‍ പഴയകാല ചായക്കടയുടെ മാതൃകയിലാണ് ഒരുക്കിയിരിക്കുന്നത്. കേരളത്തിലെ രാഷ്ട്രീയ വര്‍ത്തമാനങ്ങള്‍ ഇവിടെ ഇടതടവില്ലാതെ മുഴങ്ങിക്കൊണ്ടിരിക്കും.

ഓടുമേഞ്ഞ ചായക്കടയില്‍ അഴീക്കോടന്‍ രാഘവന്‍, ഇഎംഎസ്, പി കൃഷ്ണപിള്ള, നായനാര്‍ എന്നിവരുടെ ചിത്രങ്ങളും ഇടംപിടിച്ചിട്ടുണ്ട്. പയ്യന്നൂര്‍ സ്വദേശി ശ്രീനിവാസന്റെ നേതൃത്വത്തിലാണ് ചായക്കട നിര്‍മിച്ചത്.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top