‘വീ ആര്‍ ഡൂയിംഗ് എ കാര്‍’; മലയാളികളെ ചിരിപ്പിച്ച ജഗതിക്ക് സംഗീത സമ്മാനവുമായി ഓര്‍ഫിയോ (വീഡിയോ)

പടകാളി ചണ്ഡി ചങ്കരി എന്നുതുടങ്ങുന്ന യോദ്ധയിലെ ഗാനം വയലിനില്‍ അവതരിപ്പിച്ച് നമ്മെ അതിശയിപ്പിച്ച ബാന്റാണ് ഓര്‍ഫിയോ. വീണ്ടും രസകരമായ മറ്റൊരു വീഡിയോയുമായി ഓര്‍ഫിയോ ബാന്റ് രംഗത്ത്. ജഗതി ശ്രീകുമാറിന് ജന്മദിന സമ്മാനമായി സമര്‍പ്പിച്ചുകൊണ്ട് ഇവര്‍ പങ്കുവച്ച വീഡിയോ ആരെയും ചിരിപ്പിക്കും. ജഗതിയുടെ സിനിമകളിലെ ആരും ഓര്‍ത്തിരിക്കുന്ന സീനുകളുടെ പശ്ചാത്തല സംഗീതമാണ് ഈ കലാകാരന്മാര്‍ അവതരിപ്പിച്ചിരിക്കുന്നത്.

കെ ആന്റ് കെ ഓട്ടോ മൊബൈല്‍സിന്റെ പ്രൊപ്രൈറ്ററായും നൂറ്റിക്കണക്കിന് സായിപ്പന്മാരുടെ തലകളരിഞ്ഞ വാളിന്റെ ഉടമയായും നിശ്ചല്‍ എന്ന ഫോട്ടോഗ്രാഫറായും ജഗതിയെത്തുമ്പോഴുള്ള ഒരോ ഡയലോഗും മലയാളിക്ക് കാണാപാഠമാണ്. ‘ഗെറ്റ് ഔട്ട് ഹൗസ്’ എന്ന ജഗതിയുടെ ഡയലോഗ് ഒരിക്കലെങ്കിലും നാം ഉപയോഗിച്ചിട്ടുണ്ട്. ഇത്തരം ഓര്‍മയില്‍ തങ്ങിനില്‍ക്കുന്ന രംഗങ്ങളെല്ലാം ഓര്‍ഫിയോ സംഗീതത്തിലാക്കുന്നു.

റോബിന്‍ തോമസ്(പിയാനോ), കാരള്‍ ജോര്‍ജ്, ഫ്രാന്‍സിസ് സേവ്യര്‍(വയലിന്‍),ഹെറാള്‍ഡ് ആന്റണി(വയോള), ബെന്‍ഹര്‍ തോമസ്(ഡ്രംസ്), ബിനോയ് തോമസ്(പെര്‍ക്കൂഷന്‍),റെക്‌സ് ഐസക്‌സ്(സ്ട്രിങ് അറേഞ്ച്‌മെന്റ്) എന്നിവരാണ് ഓര്‍ഫിയോയിലുള്ളത്. ഫൈസല്‍ റാസി വീഡിയോ സംവിധാനം ചെയ്തിരിക്കുന്നു.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top