ഡെന്മാര്‍ക്ക് ഓപ്പണ്‍ : മെഡല്‍ പ്രതീക്ഷകള്‍ സജീവമാക്കി കെ ശ്രീകാന്ത് സെമിയില്‍

കെ ശ്രീകാന്ത് ( ഫയല്‍ ചിത്രം )

ദില്ലി : ഡെന്മാര്‍ക്ക് ഓപ്പണ്‍ സൂപ്പര്‍ സീരീസില്‍ ഇന്ത്യയുടെ കെ ശ്രീകാന്ത് സെമിയില്‍ കടന്നു. ലോകചാമ്പ്യനും രണ്ടാം സീഡുമായ ഡെന്‍മാര്‍ക്കിന്റെ വിക്ടര്‍ അക്‌സെല്‍സനെ പരാജയപ്പെടുത്തിയാണ് ശ്രീകാന്ത് അവസാന നാലിലേക്ക് മുന്നേറിയത്. സ്‌കോര്‍ 14-21, 22-20, 21-7

നേരത്തെ ഇന്ത്യയുടെ മെഡല്‍ പ്രതീക്ഷകളായിരുന്ന സൈന നേഹ്‌വാളും, എച്ച് എസ് പ്രണോയിയും ക്വാര്‍ട്ടറില്‍ പുറത്തായിരുന്നു. നിലവിലെ ചാമ്പ്യന്‍ ജപ്പാന്റെ അകാനെ യാമാഗുച്ചിയോടാണ് സൈന പരാജയപ്പെട്ടത്. വെറും 29 മിനുട്ടിനുള്ളില്‍ സൈന യാമാഗുച്ചിയോട് അടിയറവ് പറഞ്ഞു. സ്‌കോര്‍ 10-21, 13-21.

ദക്ഷണകൊറിയയുടെ ടോപ് സീഡ് സോന്‍ വാന്‍ ഹോയോടാണ് ഇന്ത്യയുടെ എച്ച് എസ് പ്രണോയ് പരാജയപ്പെട്ടത്. സ്‌കോര്‍ 13-21, 18-21. ഇന്ത്യയുടെ മെഡല്‍ പ്രതീക്ഷയായിരുന്ന സെക്കന്‍ഡ് സീഡ് പി വി സിന്ധു ആദ്യ റൗണ്ടില്‍ തന്നെ പുറത്തായിരുന്നു. ചൈനയുടെ ചെന്‍ യൂഫെയിയോടാണ് സിന്ധു തോറ്റത്.

ഡെന്‍മാര്‍ക്ക് ഓപ്പണിന്റെ ഫൈനലില്‍ ജപ്പാന്റെ അകാനെ യാമാഗുച്ചി ഇന്ന് ചൈനയുടെ ചെന്‍ യൂഫെയിയെ നേരിടും.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top