പോണോഗ്രഫിയിലും കേരളം നമ്പര്‍ വണ്‍ ; ഒരു മിനുട്ടില്‍ അപ്‌ലോഡ് ചെയ്യുന്നത് 40 മിനുട്ട് വീഡിയോകള്‍

പ്രതീകാത്മക ചിത്രം

ദില്ലി : രാജ്യത്ത്  ഒരു വര്‍ഷം അശ്ലീല വീഡിയോകള്‍ അപ്‌ലോഡ് ചെയ്യുന്നവരുടെയും, ഡൗണ്‍ലോഡ് ചെയ്യുന്നവരുടെയും എണ്ണത്തില്‍ വന്‍ വര്‍ദ്ധനവെന്ന് റിപ്പോര്‍ട്ടുകള്‍. മെയില്‍ റ്റുഡെയാണ് റിപ്പോര്‍ട്ട് പുറത്തുവിട്ടത്. കുട്ടികളുടെ വീഡിയോയ്ക്കാണ് ആവശ്യക്കാര്‍ കൂടുതലെന്നും റിപ്പോര്‍ട്ടില്‍ പറയുന്നു. ഇതില്‍ തന്നെ കേരളമാണ് വീഡിയോ അപ്‌ലോഡ് ചെയ്യുന്നതില്‍ മുന്‍പന്തിയില്‍ നില്‍ക്കുന്നത്.

ഓരോ മിനുട്ടിലും കേരളത്തില്‍നിന്ന് 40 മിനുട്ട് വീഡിയോകളാണ് അപ്‌ലോഡ് ചെയ്യപ്പെടുന്നത്. ഹരിയാനയാണ് മൊബൈല്‍ വഴി പോണ്‍ വീഡിയോ കാണുന്നതില്‍ മുന്‍പന്തിയില്‍ ഉള്ളത്. കഴിഞ്ഞ വര്‍ഷങ്ങളെ അപേക്ഷിച്ച് കേരളത്തിലും ഡൗണ്‍ലോഡ് ചെയ്യുന്നതില്‍ വന്‍ വര്‍ദ്ധനവ് ഉണ്ടായിട്ടുണ്ട്. ഡൗണ്‍ലോഡ് ചെയ്യപ്പെടുന്നതില്‍ അധികവും ചൈല്‍ഡ് പോണോഗ്രഫിയാണ് എന്നതാണ് പുതിയ കണക്കുകള്‍. നിയമ പരമായി ഇത് തെറ്റാണെങ്കിലും ഇത് നിരോധിക്കാന്‍ ഏറെ കടമ്പകള്‍ കടക്കേണ്ടതായുണ്ട്.

ടീന്‍സ്, ഡേസി ഗേല്‍സ്, സ്‌കൂള്‍ ഗേള്‍സ് എന്നിവയാണ് സെര്‍ച്ച് ചെയ്യാനായി ഉപയോഗിക്കുന്ന പ്രധാന വാക്കുകള്‍. കുട്ടികളുടെ വീഡിയോ ആവശ്യപ്പെട്ട് 1,16,000 പേര്‍ സെര്‍ച്ച് എഞ്ചിനുകളില്‍ തിരയുന്നതായി ഇന്ത്യന്‍ സൈബര്‍സെല്‍ ആര്‍മിയുടെ കണക്കുകള്‍ വ്യക്തമാക്കുന്നു. അന്യ രാജ്യങ്ങളില്‍ നിന്നുള്ള വീഡിയോകള്‍ ഡൗണ്‍ലോഡ് ചെയ്യാന്‍ ചിലവു കൂടും എന്നതിനാല്‍ പലരും ഇന്ത്യയില്‍ തന്നെ അപ്പ്‌ലോഡ് ചെയ്യുന്ന വീഡിയോകളെയാണ് കൂടുതല്‍ ആശ്രയിക്കുന്നത്.

ആണ്‍ഡ്രോയിഡ് ഫോണുകളില്‍ നിന്നുമാണ് കൂടുതല്‍ പേര്‍ വീഡിയോ കാണുന്നത്. മൊബൈല്‍ ഫോണില്‍ ചിത്രീകരിക്കപ്പെടുന്ന വീഡിയോകള്‍ക്കാണ് കൂടുതല്‍ ആവശ്യക്കാരെന്നും കണക്കുകള്‍ സൂചിപ്പിക്കുന്നു. ജിയോയുടെ വരവോടു കൂടി കൂടുതല്‍ പോണ്‍ വീഡിയോകള്‍ ഡൗണ്‍ലോഡ് ചെയ്യപ്പെടുന്നുവെന്ന് മാധ്യമങ്ങളില്‍ റിപ്പോര്‍ട്ടുകള്‍ വന്നിരുന്നു. എന്‍ഡിഎ ഗവണ്‍മെന്റ് പല പ്രമുഖ പോണ്‍ സൈറ്റുകള്‍ നിരോധിച്ചിരുന്നു. എന്നാല്‍ സ്വകാര്യതയിലേക്കുള്ള കടന്നുകയറ്റമായാണ് പലരും അതിനെ വ്യാഖ്യാനിച്ചത്.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top