ഇന്ന് മിനായില്‍ തങ്ങുന്ന ഹാജിമാര്‍ നാളെ അറഫ സംഗമത്തില്‍ പങ്ക് കൊള്ളും

ഇന്നലെ സന്ധ്യമുതല്‍ ഒഴുകിയെത്തിയ തീര്‍ത്ഥാടക ലക്ഷങ്ങള്‍ മിനായിലെ കൂടാരങ്ങളില്‍ താമസിക്കുകയാണ. നാളെ നടക്കുന്ന അറഫാ സംഗമത്തിന്റെ മുന്നൊരുക്കം നടത്തുകയായിരുന്നു ഹാപിമാര്‍ മിനായിലെ കൂടാരത്തില്‍. ഖുര്‍ആന്‍ പാരായണം ചെയ്തും ദിക്‌റുകള്‍ ചൊല്ലിയും തല്‍ബില്ലത്ത് ധ്വനികള്‍ ഉരുവിട്ടുമായിരുന്നു തീര്‍ത്ഥാടകര്‍ മിനയില്‍ കഴിച്ചുകൂട്ടിയത്. നാളെ പ്രഭാത നിസ്‌ക്കാരശേഷമായിരിക്കും ഹാജിമാര്‍ അറഫ സംഗമത്തിനായി പുറപ്പെടുക. എന്നാല്‍ ഇന്ന് രാത്രിതന്നെ അറഫയിലേക്ക് പുറപ്പെടുന്ന ഹാജിമാരുമുണ്ട്.

ഇന്നലെ രാത്രി 12 മണി വരേയുള്ള കണക്ക് അധികൃതര്‍ ഇന്നിപ്പോള്‍ പുറത്തുവിട്ടു. അത്പ്രകാരം സൗദിക്കകത്ത് നിന്നും പുറത്ത് നിന്നുമായി 18,91,352 പേരാണ് വിശുദ്ധ ഹജജിനായി മക്കയിലെത്തിയതെന്ന് സൗദി സ്റ്റാറ്റിക്‌സ് കമ്മീഷന്‍ ട്വിറ്റര്‍ അക്കൗണ്ടിലുടെ അറിയിച്ചു.
സൗദിയില്‍ നിന്ന് മാത്രം 1,38,690പേര്‍ ഹജജ് ചെയ്യാന്‍ പുണ്യഭൂമിയിലെത്തിയിട്ടുണ്ട്. അതില്‍ 81,284 പേര്‍ സൗദി പൗരന്മാരും 57,411 പേര്‍ സൗദിയിലുള്ള വിദേശികളുമാണ്. ഹാജിമാരുടെ യാത്രക്കായി 20,044 വാഹനങ്ങളുണ്ടെന്ന് സൗദി സ്റ്റാറ്റിക്‌സ്‌കമ്മീഷന്‍ വ്യക്തമാക്കി. ഈ വര്‍ഷം ഹജജ് ചെയ്യുന്നവരുടെ കണക്കെടുപ്പ് വൃാഴാഴ്ച്ച വൈകുന്നേരം 6:30ന് പൂര്‍ത്തിയാവുമെന്ന് പബ്ലിക് സ്റ്റാറ്റിക്റ്റിസ് കമ്മീഷന്‍ അറിയിച്ചു.

അന്ന് തന്നെ അതിന്റെ വ്യക്തമായ വിവരങ്ങള്‍ അന്തിമമായി പുറത്ത് വിടുമെന്നും കമ്മീഷന്‍ അറിയിച്ചു. തീര്‍ത്ഥാടകരുടെ എണ്ണത്തെ കുറിച്ചുള്ള കൃത്യമായതും സൂക്ഷ്മമായതുമായ എല്ലാ വിവരങ്ങളും എടുക്കും. ഇത് തീര്‍ത്ഥാടകര്‍ക്ക് കൂടുതല്‍ വിവരങ്ങള്‍ നല്‍കാന്‍ ഉപകരിക്കും. തീര്‍ത്ഥാടകര്‍ വന്ന വഴിയനുസരിച്ചും വന്ന സമയമനുസരിച്ചും രാജ്യങ്ങള്‍ അനുസരിച്ചും വ്യത്യസ്തമായ ഇനങ്ങളായി തിരിച്ച് കൊണ്ടുള്ള കണക്കെടുപ്പായിരിക്കും പുറത്തുവിടുക.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top