എട്ടുവയസുകാരിയെ ബലാത്സംഗം ചെയ്ത് കൊന്ന യുവാവിന് ജനമധ്യത്തില്‍ സ്ത്രീകളുടെ വധശിക്ഷ; വീഡിയോ

റാഞ്ചി: എട്ടുവയസുകാരിയെ ക്രൂരമായി ബലാത്സംഗം ചെയ്ത് കൊലപ്പെടുത്തിയ യുവാവിന് കുട്ടികളും മുതിര്‍ന്നവരും ഉള്‍പ്പെടെ നോക്കി നില്‍ക്കെ സ്ത്രീകളുടെ വധശിക്ഷ. ജാര്‍ഖണ്ഡിലെ ദുംകയിലാണ് സംഭവം. മിതുന്‍ ഹന്‍സാദയെയാണ് ഒരു കൂട്ടം സ്ത്രീകള്‍ മര്‍ദ്ദിച്ചുകൊന്നത്. ഇതിന്റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലാണ്.

അയല്‍ഗ്രാമമായ ജാല്‍വെയില്‍വെച്ചാണ് പെണ്‍കുട്ടി കൊല്ലപ്പെട്ടത്. ഒരു ബന്ധുവിന്റെ വിവാഹത്തിന് പങ്കെടുക്കാനെത്തിയ പെണ്‍കുട്ടി സുഹൃത്തുക്കളുമായി സമീപത്തുള്ള നദിയില്‍ കുളിക്കാന്‍ പോയപ്പോഴായിരുന്നു മിതുന്‍ തട്ടിക്കൊണ്ടുപോയി പീഡിപ്പിച്ചത്. തുടര്‍ന്ന് കൊലപ്പെടുത്തി, മൃതദേഹം നദിയില്‍ ഒഴുക്കുകയായിരുന്നു.

സംഭവം അറിഞ്ഞ ദുംകയിലെ സ്ത്രീകള്‍ ഇയാളെ ജനമധ്യത്തിലിട്ട് മര്‍ദ്ദിക്കുകയായിരുന്നു. മൂന്ന് സ്ത്രീകളാണ് ഇതിന് നേതൃത്വം നല്‍കിയത്. ഇയാളുടെ കൈ പിന്നിലേക്ക് കയര്‍ ഉപയോഗിച്ച് കെട്ടിയിരുന്നു. നിലത്തുവീണ ഇയാളെ മറ്റ് രണ്ട് സ്ത്രീകള്‍ കമ്പുപയോഗിച്ച് മര്‍ദ്ദിച്ചു.കുഞ്ഞിനെ ഒക്കത്ത് ഇരുത്തിയെത്തിയ ഒരു സ്ത്രീയും  ഇയാളെ മര്‍ദ്ദിച്ചവശനാക്കി. വൈകാതെ തന്നെ ബോധം മറഞ്ഞ് ഇയാള്‍ മരിക്കുകയായിരുന്നു. സംഭവത്തിന് ദൃക്സാക്ഷിയായ ഒരാളാണ് മര്‍ദ്ദനത്തിന്റെ വീഡിയോ പകര്‍ത്തിയത്. വൈകാതെ തന്നെ പൊലീസും ജില്ലാ അധികൃതരും  സ്ഥലത്തെത്തിയെങ്കിലും ഇയാള്‍ മരിച്ചിരുന്നു.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top