എങ്ങനെ ആത്മഹത്യ ചെയാമെന്ന് ഫെയ്‌സ്ബുക്ക് ലൈവില്‍ വിശദീകരിച്ചതിന് ശേഷം 19ആം നിലയില്‍ നിന്നും ചാടി മരിച്ചു; യുവാവ് ലഹരി വസ്തുക്കള്‍ക്ക് അടിമയെന്ന് പൊലീസ്

അര്‍ജുന്‍ ഭരത്വാജ്‌

മുംബെെ: മദ്യലഹരിയില്‍ യുവാവ് 19 നിലയുള്ള ഫൈവ് സ്റ്റാര്‍ ഹോട്ടലിന്റെ മുകളില്‍ നിന്നും ചാടി ആത്മഹത്യ ചെയ്തു. ആത്മഹത്യയ്ക്ക് മുന്‍പ് ഫെയ്‌സ്ബുക്കില്‍ ലൈവില്‍ വന്ന് എങ്ങനെ ആത്മഹത്യ ചെയ്യണമെന്ന് വിശിദീകരിച്ചതിന് ശേഷമാണ് ഇയാള്‍ 19ആം നിലയില്‍ നിന്നും ചാടിയത്. ബാന്ദ്രയിലുള്ള  അത്യഡംബര ഫെെവ് സ്റ്റാർ ഹോട്ടലില്‍ മുറിയെടുത്താണ് യുവാവ് ആത്മഹത്യ ചെയ്യ്തത്.

ബാംഗ്ലൂര്‍ സ്വദേശിയായ അര്‍ജുന്‍ ഭരത്വാജാണ് മരിച്ചത്. വിഷാദ രോഗത്തിനും, ലഹരി വസ്തുക്കള്‍ക്കും അടിമപ്പെട്ടതിന്റെ പേരിലാണ് ആത്മഹത്യ എന്ന് എഴുതിയിരിക്കുന്ന കുറിപ്പ് പൊലീസ് കണ്ടെടുത്തു. ആത്മഹത്യ ചെയ്യുന്നതിന് തൊട്ടു മുന്‍പ് ഫെയ്‌സ്ബുക്കില്‍ ലൈവ് വന്ന അര്‍ജുന്‍ മദ്യപിക്കുകയും, പുകവലിക്കുകയും ചെയ്യുന്നത് വീഡിയോയില്‍ നിന്നും വ്യക്തമാണെന്ന് പൊലീസ് പറഞ്ഞു.

നര്‍സീ മോന്‍ജി കോളെജ് വിദ്യാര്‍ത്ഥിയായ അര്‍ജുന്‍ ആത്മഹത്യ ചെയ്യുവാനായിട്ടാണ് ബാന്ദ്രയിലെ ആഡംബര ഹോട്ടലില്‍ മുറിയെടുത്തത്. 2013 മുതല്‍ മുംബൈയില്‍ ജീവിക്കുന്ന അര്‍ജുന്‍ മദ്യത്തിനും, മറ്റ് ലഹരി വസ്തുക്കള്‍ക്കും അടിമയായിരുന്നു എന്ന് പൊലീസ് സ്ഥിതീകരിച്ചു. പുലര്‍ച്ചെ മൂന്ന് മണിക്ക് ഹോട്ടലില്‍ മുറിയെടുത്ത ഇയാള്‍ രാവിലെ ആറരയോടു കൂടി ചില്ലു തകര്‍ത്ത് മുകളില്‍ നിന്നും ചാടുകയായിരുന്നു . ആത്മഹത്യ കാരണത്തിനോടൊപ്പം തന്റെ സുഹൃത്തുക്കളോട് നന്ദിയും, മാതാപിതാക്കളോട് മാപ്പും അപേക്ഷിച്ചാണ് ആത്മഹത്യ കുറിപ്പ് അവസാനിക്കുന്നത്.

ബാംഗ്ലൂരില്‍ ബിസിനസ്സ്‌കാരനായ അര്‍ജുന്റെ പിതാവിനെ പൊലീസ് വിവരങ്ങള്‍ അറിയിച്ചതിനെ തുടര്‍ന്ന് അദ്ദേഹം മുംബൈയില്‍ എത്തിച്ചേര്‍ന്നു. മുംബൈയിലെ വിദ്യാര്‍ത്ഥിയുടെ ആത്മഹത്യ നിരാസപ്പെടുത്തിയിരിക്കുന്നു, യുവാക്കള്‍ ഞങ്ങളെ സമീപിക്കു ഞങ്ങള്‍ നിങ്ങളെ ശ്രവിക്കുന്നു എന്ന് മുംബൈ പൊലീസ് ഔദ്യോഗീക ട്വിറ്ററിലൂടെ അറിയിച്ചു.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top