ട്രംപിന്റെ ട്രഷറി സെക്രട്ടറിയുടെ പ്രതിശ്രുത വധുവിന്റെ കിടപ്പറ രംഗങ്ങളുമായി ഹോളിവുഡ് സിനിമ

ട്രംപിനും വൈസ് പ്രസിഡന്റ് മൈക്ക് പെന്‍സിനുമൊപ്പം ലൂസിയും മക്കിനും

അമേരിക്കന്‍ പ്രസിഡന്റ് ഡൊണാള്‍ഡ് ജെ ട്രംപിന്റെ ട്രഷറി സെക്രട്ടറി സ്റ്റീവ് മക്കിന്റെ പ്രതിശ്രുത വധു ലൂസി ലിന്റണ്‍ അഭിനയിക്കുന്ന ഹോളിവുഡ് ചിത്രം വരുന്നു. ലൂസിയുടെ കിടപ്പറ രംഗങ്ങളുള്‍പ്പെടെയുള്ള ചൂടന്‍ രംഗങ്ങള്‍ ചിത്രത്തിലുണ്ട്. ചിത്രത്തിലെ ലൂസിയുടെ ചില രംഗങ്ങള്‍ ഇന്റര്‍നെറ്റില്‍ പ്രചരിക്കുകയാണ്.

മുന്‍പ് ചില ചെറിയ വേഷങ്ങളില്‍ വെള്ളിത്തിരയിലെത്തിയിട്ടുണ്ട് ലൂസി. ടോം ക്രൂസ്, റോബര്‍ട്ട് റെഡ് ഫോര്‍ഡ് തുടങ്ങിയ പ്രമുഖ താരങ്ങള്‍ക്കൊപ്പം അഭിനയിച്ച ലൂസി 35-കാരിയാണ്. കഴിഞ്ഞ വര്‍ഷം പുറത്തിറങ്ങിയ ഇന്‍ട്യൂഡര്‍ എന്ന സൈക്കോളജിക്കല്‍ ത്രില്ലര്‍ ചിത്രത്തിലെ ലൂസിയുടെ വേഷം ശ്രദ്ധിക്കപ്പെട്ടിരുന്നു.

ഇന്റര്‍നെറ്റില്‍ പ്രചരിക്കുന്ന രംഗത്തില്‍ നിന്ന്

സ്‌കോട്ടിഷ് വംശജയാണ് ലൂസി ലിന്റണ്‍. ട്രംപിന്റെ കടുത്ത വിമര്‍ശകനായ മോബിക്കൊപ്പമാണ് ലൂസി അഭിനയിച്ചത്. ലൂസിയുടെ പ്രതിശ്രുത വരനും ട്രംപിന്റെ ട്രഷറി സെക്രട്ടറിയുമായ മക്കിന്‍ 400 മില്യണ്‍ ഡോളറിന്റെ ആസ്തിയുള്ള കോടീശ്വരനാണ്. അമേരിക്കന്‍ പ്രസിഡന്റിന്റെ ട്രഷറി സെക്രട്ടറിയാകുന്ന ഏറ്റവും സമ്പന്നനായ വ്യക്തി കൂടിയാണ് ഇദ്ദേഹം. അദ്ദേഹത്തെ ട്രഷറി സെക്രട്ടറിയാക്കിയതിനെതിരെ ട്രംപ് ഏറെ വിമര്‍ശനം കേട്ടിരുന്നു.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top