special page

ഖത്തര്‍ ഓപ്പണ്‍ ടെന്നീസ് കിരീടം സെര്‍ബിയയുടെ നൊവാക് ദ്യോകോവിച്ചിന്; കിരീടനേട്ടം  ആന്‍ഡി മറെയുടെ വിജയക്കുതിപ്പിന് വിരാമമിട്ട് 

നൊവാക് ദ്യോകോവിച്ച്

ദോഹ: ഖത്തര്‍ ഓപ്പണ്‍ ടെന്നീസ് കിരീടം സെര്‍ബിയയുടെ നൊവാക് ദ്യോകോവിച്ചിന്. ലോക ഒന്നാം നമ്പര്‍ താരം ബ്രിട്ടന്റെ ആന്‍ഡി മറെയെ പരാജയപ്പെടുത്തിയാണ് ദ്യോകോവിച്ചിന്റെ കിരീടനേട്ടം. അത്യന്തം വാശിയേറിയ കലാശപോരാട്ടത്തില്‍ 6-3, 5-7, 6-4 എന്ന സ്‌കോറിനാണ് ദ്യോകോവിച്ചിന്റെ വിജയം.

മുറെയ്ക്ക് എതിരേ ദ്യോക്കോവിച്ച് നേടുന്ന 25-ാം വിജയമാണിത്. എടിപി ടെന്നീസ് മല്‍സരങ്ങളില്‍ തുടര്‍ച്ചയായി 28 വിജയം നേടിയ മറെയുടെ വിജയക്കുതിപ്പിനും തോല്‍വിയോടെ വിരാമമായി.

ഓസ്‌ട്രേലിയന്‍ ഓപ്പണ്‍ അടുത്തയാഴ്ച ആരംഭിക്കാനിരിക്കെ നേടിയ കിരീട വിജയം ദ്യോകോവിച്ചിന്റെ ആത്മവിശ്വാസം വര്‍ധിപ്പിക്കും. കഴിഞ്ഞവര്‍ഷം ആന്‍ഡി മറെയെ പരാജയപ്പെടുത്തിയാണ് ദ്യോകോവിച്ച് ഓസ്‌ട്രേലിയന്‍ ഓപ്പണ്‍ കിരീടത്തില്‍ മുത്തമിട്ടത്.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top