ഒരു കുടുംബത്തിലെ പത്തുപേര്‍ ഉള്‍പ്പെടെ 11 പേരെ കൊല്ലപ്പെട്ട നിലയില്‍ കണ്ടെത്തി

പ്രതീകാത്മക ചിത്രം

ലഖ്‌നൗ: ഉത്തര്‍പ്രദേശിലെ അമേത്തിയില്‍ ഒരു കുടുംബത്തിലെ പത്തുപേര്‍ ഉള്‍പ്പെടെ പതിനൊന്ന് പേരെ വീട്ടില്‍ കൊല്ലപ്പെട്ട നിലയില്‍ കണ്ടെത്തി. മരിച്ചവരില്‍ എട്ടുപേര്‍ കുട്ടികളാണ്. മറ്റു മൂന്നുപേരില്‍ രണ്ട് സ്ത്രീകളും ഒരു പുരുഷനുമാണുള്ളത്. ആക്രമണത്തില്‍ ഗുരുതരമായി പരുക്കേറ്റ രണ്ടുപേര്‍ ആശുപത്രിയില്‍ ചികിത്സയിലാണ്. സംഭവത്തില്‍ ദുരൂഹത തുടരുകയാണ്.

മഹോന വെസ്റ്റ് വില്ലേജിലെ ബസാര്‍ ഷുക്കുള്‍ പൊലീസ് സ്റ്റേഷന് സമീപമാണ് സംഭവം നടന്നത്. ഇന്ന് പുലര്‍ച്ചെയാണ് മൃതദേഹങ്ങള്‍ കണ്ടെത്തിയതെന്ന് പൊലീസ് പറഞ്ഞു. കഴുത്ത് അറത്താണ് പലരേയും കൊലപ്പെടുത്തിയിരിക്കുന്നത്. രണ്ട് മൃതദേഹങ്ങള്‍ ഫാനില്‍ തൂങ്ങിനില്‍ക്കുന്ന നിലയിലായിരുന്നു.

സംഭവം പുറത്തറിഞ്ഞതോടെ വന്‍ പൊലീസ് സന്നാഹം സ്ഥലത്തെത്തി. വന്‍ ജനാവലിയും സ്ഥലത്തെത്തിയിരുന്നു. ജില്ലാ പൊലീസ് മേധാവി സന്തോഷ് കുമാര്‍ സിംഗിന്റെ നേതൃത്വത്തിലുള്ള സംഘം അന്വേഷണം ആരംഭിച്ചിട്ടുണ്ട്.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top