ടൂ സ്‌റ്റെപ് വെരിഫിക്കേഷനുമായി വാട്ട്‌സ് ആപ്പ് എത്തുന്നു; അറിയേണ്ടതെല്ലാം

watsapp

വാട്ട്‌സ്ആപ്പില്‍ ഇനി ടൂ സ്റ്റെപ് വെരിഫിക്കേഷനും സാധ്യം. പുത്തന്‍ അപ്‌ഡേറ്റിലൂടെ ടൂ സ്റ്റെപ് വെരിഫിക്കേഷന്‍ സെക്യൂരിറ്റി ഫീച്ചര്‍ വാട്ടസ് ആപ്പ് ഉപഭോക്താക്കള്‍ക്ക് ലഭ്യമാക്കും. കഴിഞ്ഞ മാസങ്ങളിലായി ടൂ സ്‌റ്റെപ് വെരിഫിക്കേഷന്‍ സാധ്യതയെ വാട്ട്‌സ് ആപ്പ് പരീക്ഷിച്ചതിന്റെ അടിസ്ഥാനത്തിലാണ് പുതിയ അപ്‌ഡേറ്റ് എത്തിയിരിക്കുന്നത്.

സെറ്റിങ്ങ്‌സ് മെനുവിലുള്ള അക്കൗണ്ട്‌സ് ഓപ്ഷന് കീഴിലാണ് ടൂ സ്റ്റെപ് വെരിഫിക്കേഷന്‍ സെക്യൂരിറ്റി ഫീച്ചറിനെ വാട്ട്‌സ്ആപ്പ് നല്‍കുന്നത്. ഇതോടെ, ഇനി ഉപയോക്താവിന്റെ വാട്ട്‌സ്ആപ്പ് അക്കൗണ്ടുമായി ടൂ സ്റ്റെപ് വെരിഫിക്കേഷന്റെ പാസ്‌കോഡ് ബന്ധപ്പെട്ടിരിക്കും. തുടര്‍ന്ന് ഒരോ തവണയും കോണ്‍ടാക്ട് നമ്പറിനെ വാട്ട്‌സ്ആപ്പ് നമ്പറുമായി ബന്ധിപ്പിക്കുമ്പോഴും ടൂ സ്‌റ്റെപ് വെരിഫിക്കേഷന്റെ പാസ്‌കോഡ് ആവശ്യമായി വരും.

watsapp

ടൂ സ്‌റ്റെപ് വെരിഫിക്കേഷന്റെ സെറ്റപ്പ് നടപടികളെ ലളിതമായാണ് വാട്ട്‌സ് ആപ്പ് ഒരുക്കിയിരിക്കുന്നത്. ടൂ സ്റ്റെപ് വെരിഫിക്കേഷന്‍ ഓപ്ഷന്‍ തെരഞ്ഞെടുത്താല്‍ ആറക്ക പാസ്‌വേഡ് ക്രമീകരിക്കാന്‍ ഉപയോക്താവിന് അവസരം ലഭിക്കും. പിന്നാലെ കോഡിനെ ഉപയോക്താവ് സ്ഥിരീകരിക്കുകയും വേണം. ഒപ്പം, ഇമെയില്‍ വിലാസം നല്‍കാനുള്ള ഓപ്ഷനും വാട്ട്‌സ് ഒരുക്കുന്നുണ്ട്. പാസ് വേഡ് മറന്ന് പോകുന്ന സാഹചര്യത്തില്‍ ഇമെയില്‍ വിലാസത്തിലേക്കാണ് വാട്ട്‌സ് ആപ്പ് റീസെറ്റ് കോഡ് അയച്ചു നല്‍കുക. ഭാവിയില്‍ ടൂ സ്റ്റെപ് വെരിഫിക്കേഷന്‍ സെക്യൂരിറ്റിയുടെ പാസ്‌വേഡ് മാറ്റാനും, പിന്‍വലിക്കാനും ഉപയോക്താവിന് സാധിക്കുന്നതാണ്.

watsapp

നിലവില്‍ ആന്‍ഡ്രോയ്ഡ് ബീറ്റാ വേര്‍ഷന്‍ ഉപയോക്താക്കള്‍ക്കാണ് വാട്ട്‌സ് ആപ്പിന്റെ ടൂ സ്റ്റെപ് വെരിഫിക്കേഷന്‍ അപ്‌ഡേറ്റ് ലഭിച്ച് കൊണ്ടിരിക്കുന്നത്. എന്നാല്‍ ഉടന്‍ തന്നെ ഇത് വാട്ട്‌സ് ആപ്പിന്റെ സ്റ്റേബിള്‍ വേര്‍ഷനുകളിലും എത്തുമെന്നാണ് വാട്ട്‌സ് ആപ്പ് അറിയിച്ചിരിക്കുന്നത്.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top