പശുവിന്റേതിന് സമാനമായ കണ്‍പീലികള്‍, താറാവിന്റേത് പോലെ ശബ്ദം; ഇവള്‍ നേപ്പാളിലെ ‘മനുഷ്യ ദൈവം’

kumari-5

കാഠ്മണ്ഡു: പശുവിന്റേതിന് സമാനമായ കണ്‍പീലികള്‍, താറാവിന്റേത് പോലെ ശബ്ദം, നിലത്ത് കാല് കുത്താന്‍ പോലും അനുവാദമില്ല. നേപ്പാളിലെ മനുഷ്യ ദൈവത്തിന്റെ പ്രത്യേകതകളാണ് പറയുന്നത്. ഏഴ് വയസ് മാത്രം പ്രായമുള്ള മനുഷ്യ ദൈവത്തിന്റെ കാര്യം. പ്രായത്തില്‍ ഒതുങ്ങുന്നതല്ല ദൈവത്തിലുള്ള നേപ്പാളികളുടെ വിശ്വാസം. ഹിന്ദുക്കളും ബുദ്ധമതക്കാരും ഒരു പോലെ ആരാധിക്കുന്ന ഈ ദൈവത്തെ ഒരു നോക്ക് കണ്ട് വണങ്ങാന്‍ നിരവധി പേരാണ് എത്തുന്നത്. ഈ കൂട്ടത്തില്‍ നേപ്പാള്‍ പ്രധാനമന്ത്രി പുഷ്പ കുമാരി ദഹല്‍ അടക്കമുള്ളവരുണ്ട്.

kumari-3

നേപ്പാളിലെ ഈ മനുഷ്യ ദൈവം അറിയപ്പെടുന്നത് കുമാരി എന്നാണ്. യഥാര്‍ത്ഥ പേരാകട്ടെ യൂനിക എന്നും. ദൈവത്തിന്റെ പ്രതിരൂപമാണെങ്കിലും കുമാരി താമസിക്കുന്നത് അച്ഛനമ്മമാര്‍ക്കൊപ്പമാണ്. ജോലി രാജിവെച്ചാണ് കുമാരിയെ മാതാപിതാക്കള്‍ സംരക്ഷിക്കുന്നത്. മകളെ ദൈവമായി തെരഞ്ഞെടുത്തതില്‍ വളരെയധികം സന്തോഷമുണ്ടെന്ന് യൂനികയുടെ പിതാവ് രമേഷ് ബജ്രാചാര്യ പറഞ്ഞു.

kumari-4

വാലിട്ട് കണ്ണഴുതി, വര്‍ണ്ണപ്പട്ടും ആഭരണങ്ങളും ധരിച്ച് ഒരു ദൈവീക ഭാവം തന്നെയുണ്ട് ഈ പെണ്‍കുട്ടിക്ക്. കുമാരിയെ ഒരുക്കാനുള്ള ഉത്തരവാദിത്വം അമ്മ സബിതയ്ക്കാണ്. കൂട്ടുകാര്‍ക്കൊപ്പം കളിക്കുന്നതിനും പുറത്തുപോകുന്നതിനും വിലക്കുണ്ട്. കൂട്ടുകാരികള്‍ കുമാരിയുടെ വീട്ടിലെത്തുകയാണ് ചെയ്യുന്നത്. രക്ഷിതാക്കള്‍ ജാഗ്രതയോടെയാണ് കുമാരിയെ സംരക്ഷിക്കുന്നത്.

kumari-2

ഇക്കഴിഞ്ഞ ജൂലൈയിലായിരുന്നു കുമാരി ദേവിയുടെ ഉത്സവം. നേപ്പാളില്‍ നിന്നും സമീപ പ്രദേശങ്ങളില്‍ നിന്നും നിരവധിയാളുകള്‍ കുമാരിയെ ഒരു നോക്കുകാണുവാനും അനുഗ്രഹം വാങ്ങുവാനുമെത്തി. കുമാരി പതിയില്‍ നടന്ന രഥോ മചീന്ദ്രനാഥ് ഉത്സവത്തിന്റെ അവസാന ദിവസം രഥത്തിലേറിയായിരുന്നു കുമാരി എത്തിയത്.

kumari-6

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top