കാണാതായ കാസര്‍ഗോഡ് സ്വദേശി അഫ്ഗാനിസ്ഥാനില്‍; ഞങ്ങള്‍ സുഖമായിരിക്കുന്നുവെന്ന് ഹഫീസുദ്ദീന്റെ വാട്‌സ്ആപ് സന്ദേശം

afgan

കാസര്‍ഗോഡ്: ദുരൂഹ സാഹചര്യത്തില്‍ കാണാതായ പടന്ന സ്വദേശി ഹഫീസുദ്ദീന്റെ വാട്‌സ്ആപ് സന്ദേശം ബന്ധുക്കള്‍ക്ക് ലഭിച്ചു. ഞങ്ങള്‍ സുഖമായിരിക്കുന്നുവെന്നാണ് സന്ദേശം. കേരളത്തില്‍ നിന്നും ഉപയോഗിച്ചിരുന്ന നമ്പറില്‍ നിന്നാണ് സന്ദേശം എത്തിയിരിക്കുന്നതെന്ന് കണ്ടെത്തിയിട്ടുണ്ട്. അഫ്ഗാനിസ്ഥാനിലെ ടോറ-ബോറയില്‍ നിന്നാണ് സന്ദേശം എത്തിയത്.

സംസ്ഥാനത്ത് 21 പേരെ ദുരൂഹ സാഹചര്യത്തില്‍ കാണാതായ സംഭവം അന്വേഷണം പുരോഗമിക്കവെ പടന്നയില്‍ നിന്നും കാണാതായ ഹഫീസുദ്ദീനാണ് തന്റെ സഹോദരിക്ക് വാട്‌സാപ്പ് വഴി സന്ദേശം അയച്ചിരിക്കുന്നത്. ഞങ്ങള്‍ സുഖമായിരിക്കുന്നുവെന്നാണ് സന്ദേശം. ഹഫീസുദ്ദീന്റെ പേരിലുള്ള കേരള നമ്പറില്‍ നിന്നാണ് സന്ദേശം വന്നിരിക്കുന്നത്. അഫ്ഗാനിസ്ഥാനിലെ ടോറ-ബോറയില്‍ നിന്നാണ് ഫോണ്‍ സന്ദേശം എത്തിയിരിക്കുന്നതെന്ന് ഇതിനകം കണ്ടെത്തിയിട്ടുണ്ട്.

ജില്ലയില്‍ നിന്നും 17 പേരെ കാണാതായ സംഭവത്തില്‍ ദുരൂഹത തുടരുന്നതിനിടയിലും ഫെയ്‌സ്ബുക്ക് വഴിയും വാട്‌സാപ്പിലൂടെയും സന്ദേശങ്ങള്‍ ലഭിക്കുന്നത് ഏറെ ഗൗരവത്തോടെയാണ് അന്വേഷണ ഏജന്‍സികള്‍ കാണുന്നത്. ഇതിനിടയില്‍ കാസര്‍ഗോഡ് ജില്ലയില്‍ നിന്നും കാണാതായ 17 പേരുടെ ബന്ധുക്കളുടെ പരാതിയില്‍ പ്രത്യേക സംഘത്തിന്റെ അന്വേഷണ റിപ്പോര്‍ട്ട് ഡിജിപിക്ക് കൈമാറി.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top