ആര്‍എസ്എസിന്റെ ബീഫ് ബഹിഷ്‌കരണ ആഹ്വാനത്തില്‍ ലിയാനാര്‍ഡോ ഡികാപ്രിയോയെ പങ്കാളിയാക്കാന്‍ നീക്കം

diമുംബൈ: ആര്‍എസ്എസിന്റെ ബീഫ് ബഹിഷ്‌കരണ ആഹ്വാനത്തില്‍ ഓസ്‌കര്‍ ജേതാവ് ലിയാനാര്‍ഡോ ഡികാപ്രിയോയെ പങ്കാളിയാക്കാന്‍ നീക്കം. അടുത്ത മാസം ഇംഗ്ലണ്ട് സന്ദര്‍ശിക്കുന്ന ആര്‍എസ്എസ് മേധാവി മോഹന്‍ ഭാഗവത് ഇത് സംബന്ധിച്ച് ഡികാപ്രിയോയുമായി ചര്‍ച്ച നടത്തുമെന്നാണ് ഡെയ്‌ലി ഒ റിപ്പോര്‍ട്ട് ചെയ്തിരിക്കുന്നത്.

ഹിന്ദു സ്വയംസേവക് സംഘത്തിന്റെ ഗോള്‍ഡന്‍ ജൂബിലി ആഘോഷത്തിനു വേണ്ടി ജൂലൈ 30 നാണ് മോഹന്‍ ഭാഗവത് ഇംഗ്ലണ്ടിലെത്തുന്നത്. രണ്ട് ദിവസം അദ്ദേഹം ഇംഗ്ലണ്ടിലുണ്ടാകും. മോഹന്‍ ഭാഗവതിനൊപ്പം ജോയിന്റ് ജനറല്‍ സെക്രട്ടറി ദത്താത്രേയ ഹോസബാലെയും ഉണ്ടാകും. ഗോള്‍ഡന്‍ ജൂബിലി ആഘോഷത്തില്‍ ഡികാപ്രിയോ, സര്‍ റിച്ചാര്‍ഡ് ബ്രാന്‍സണ്‍, സര്‍ ഡേവിഡ് ആറ്റന്‍ ബറോ എന്നിവരും ഉണ്ടാകും. വാര്‍ത്ത പുറത്തു വന്നതിന് പിന്നാലെ സസ്യാഹാര പ്രിയനായ ഡികാപ്രിയോ ആര്‍എസ്എസിന്റെ ബീഫ് ബഹിഷ്‌കരണ ആഹ്വാനത്തില്‍ പങ്കാളിയാകുമോ എന്നാണ് ഏവരും ഉറ്റു നോക്കുന്നത്.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top