നഗ്ന റെസ്‌റ്റോറന്റില്‍ തിരക്കേറുന്നു; വെയിറ്റിംഗ് ലിസ്റ്റില്‍ ഉള്ളത് 30,000 ആളുകള്‍

naked-restaurantലണ്ടന്‍: വേനല്‍ക്കാലത്തെ അതിജീവിക്കാനായി തയ്യാറാക്കിയ നഗ്ന റെസ്‌റ്റോറന്റില്‍ തിരക്ക് വര്‍ധിക്കുന്നു. ആളുകളുടെ കുത്തൊഴുക്കാണ് ഇവിടേക്കുള്ളതെന്ന് ലണ്ടനിലെ റെസ്റ്റോറന്റ് അധികൃതര്‍ പറഞ്ഞു. ഇതുവരെ റെസ്റ്റോറന്റ് സന്ദര്‍ശിച്ചവര്‍ തന്നെ ആയിരക്കണക്കിനാണ്. പോരാത്തതിന് പ്രവേശനം ലഭിക്കാതെ വെയിറ്റിംഗ് ലിസ്റ്റില്‍ ഉള്ളതോ മുപ്പതിനായിരത്തിലധികം ആളുകളും. റെസ്‌റ്റോറന്റിന് ഇനി ബാക്കിയുള്ളതോ മൂന്നു മാസം കൂടിയാണ്. ഒരാഴ്ചത്തെ ഇടവേളയ്ക്കുള്ളിലാണ് ഈ വര്‍ധന എന്നതു ശ്രദ്ധേയമാണ്. കഴിഞ്ഞയാഴ്ച ഇത് 5000 ആയിരുന്നു. ഒരു സമയം 42 പേര്‍ക്ക്‌ മാത്രം പ്രവേശിക്കാവുന്ന റസ്‌റ്റോറന്റ്‌ കാലാവധി പൂര്‍ത്തിയാക്കുമ്പോള്‍ അനേകര്‍ക്ക്‌ നിരാശപ്പെടേണ്ടി വരും.

Half-naked woman dining

നഗ്നറെസ്‌റ്റോറന്റിലേക്ക് പ്രവേശനം ആവശ്യപ്പെട്ട് ആയിരക്കണക്കിനു ഇ മെയിലുകളാണ് നിത്യേനെ റെസ്റ്റോറന്റ് അധികൃതരെ തേടിയെത്തുന്നത്. പ്രകൃതിദത്തമായ സൗകര്യങ്ങളും വിഭവങ്ങളും കസ്റ്റമേഴ്‌സിന് ലഭ്യമാക്കുകയെന്ന ഉദ്ദേശത്തോടെ തുടങ്ങിയ ബുന്യാദിക്കു ലഭിച്ച സ്വീകാര്യതയില്‍ അമ്പരിന്നിരിക്കുകയാണ് സംഘാകരെന്നും റിപ്പോര്‍ട്ടുകളുണ്ട്.

ഇന്‍സ്‌റ്റാഗ്രാം ഉള്‍പ്പെടെയുള്ള സാമൂഹ്യസൈറ്റുകള്‍ക്ക്‌ നിരോധനം ഏര്‍പ്പെടുത്തിയിട്ടുണ്ട്‌. ഫോണ്‍, വൈദ്യൂതദീപങ്ങള്‍, വസ്‌ത്രങ്ങളില്‍ നിന്നുപോലും മോചിതമായ ഒരു ലോകം സൃഷ്‌ടിക്കുകയാണ്‌ തങ്ങളുടെ ലക്ഷ്യമെന്ന്‌ ഹോട്ടല്‍ വെബ്‌സൈറ്റില്‍ പറയുന്നു. റസ്‌റ്റോറന്റില്‍ കഴിക്കാന്‍ എത്തുന്നവര്‍ക്ക്‌ മാത്രമായിരിക്കും വസ്‌ത്രം അനുവദിക്കുക.ഫോട്ടോഗ്രാഫി കര്‍ശനമായി നിരോധിച്ചിട്ടുണ്ട്‌.

The Bunyadi, London's Naked Restaurant

പഴയകാലത്തെ അനുസ്മരിപ്പിക്കുന്ന വിധത്തിലുള്ള ലൈറ്റുകളും മറ്റുമാണ് ഉപയോഗിക്കുന്നത്. തടികൊണ്ട് നിര്‍മ്മിച്ചിട്ടുള്ള ഇരിപ്പിടങ്ങള്‍ മുളകൊണ്ട് മറയ്ക്കുന്നു. വസ്ത്രം ധരിച്ചും ധരിക്കാതെയും റെസ്റ്റോറന്റില്‍ പ്രവേശനം സാധ്യമാണ്. വസ്ത്രം ധരിച്ചെത്തുന്നവര്‍ക്ക് അത് മാറാനുള്ള പ്രത്യേക മുറിയും ഉണ്ടാകും. മായം കലരാത്ത പുതിയ ഭക്ഷണമാകും ലഭിക്കുകയെന്ന് റെസ്റ്റോറന്റിന്റെ വെബ്‌സൈറ്റില്‍ പറയുന്നു.പ്രകൃതിദത്തമെന്നാണ് ബുന്യാദി എന്ന ഹിന്ദി പദം കൊണ്ട് അര്‍ത്ഥമാക്കുന്നത്. അതുകൊണ്ടുതന്നെ തീര്‍ത്തും പ്രകൃതിദത്തമായ വസ്തുക്കളാണ് റെസ്റ്റോറന്റില്‍ ഉപയോഗിക്കുന്നതെന്നും വെബ്‌സൈറ്റില്‍ പറയുന്നു.

bunyadi

ബ്രേക്കിംഗ് ബാഡ് എന്ന പേരില്‍ കോക്ക്‌ടെയില്‍ ബാര്‍ ആരംഭിച്ച ലോലിപോപ്പിന്റെ ആശയമാണ് പുതിയ നഗ്‌ന റെസ്റ്റോറന്റും. വേനല്‍ക്കാലത്തു നിന്നും രക്ഷ നേടുകയും നല്ല ഭക്ഷണം ലഭ്യമാക്കുകയുമാണ് തങ്ങളുടെ ലക്ഷ്യമെന്ന് സ്ഥാപകന്‍ സെബ് ല്യാല്‍ പറയുന്നു. വളരെ ശ്രദ്ധാപൂര്‍വമാണ് നഗ്‌നവും തുറന്നതും അതിരുകളില്ലാത്തതുമായ റെസ്റ്റോറന്റ് രൂപകല്‍പന ചെയ്തതെന്നും അദ്ദേഹം വ്യക്തമാക്കി.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top