വ്യാജന്മാരെ പിടിക്കാന്‍ ഫെയ്സ്ബുക്കിന്റെ വെരിഫിക്കേഷന്‍

Facebook-Unveilsദില്ലി: വ്യാജന്മാരെ പിടിക്കന്‍ പുതിയ സംവിധാനവുമായി ഫെയ്സ്ബുക്ക് രംഗത്ത്. ട്വിറ്റര്‍, വൈന്‍, ഗൂഗിള്‍ പ്ലസ് എന്നീ സോഷ്യല്‍ മീഡിയകളിലെ വെരിഫിക്കേഷന്‍ സംവിധാനമാണ് ഫെയ്സ്ബുക്കും ഉപയോഗിക്കുന്നത്. സെലിബ്രിറ്റികളുടെ പേരില്‍ വ്യാജ പ്രൊഫൈലുകളും പേജുകളും വ്യാപകമായതോടെയാണ് വെരിഫിക്കേഷന്‍ സംവിധാനം നടപ്പിലാക്കാന്‍ ഫെയ്സ്ബുക്ക് തീരുമാനിച്ചത്.

സെലിബ്രിറ്റികളുടെ അക്കൌണ്ടുകള്‍ക്ക് ട്വിറ്റര്‍ നല്‍കുന്ന വെരിഫിക്കേഷന് സമാനമായ സംവിധാനമാണ് ഫെയ്സ്ബുക്കും ഒരുക്കിയിരിക്കുന്നത്. വെരിഫൈ ചെയ്ത അക്കൌണ്ടുകളില്‍ പേരിനൊപ്പം നീല ചെക്ക് മാര്‍ക്ക് അടയാളപ്പെടുത്തിയിരിക്കും. ഇതോടെ നെറ്റ് ഉപയോക്താക്കള്‍ക്ക് സെലിബ്രിറ്റികളുടെ ഓഫീഷ്യല്‍ പേജുകള്‍ കണ്ടെത്താന്‍ പെട്ടെന്ന് സാധിക്കും.

തുടക്കത്തില്‍ സെലിബ്രിറ്റികള്‍, മാധ്യമപ്രവര്‍ത്തകര്‍, സര്‍ക്കാര്‍ ഉദ്യോഗസ്ഥര്‍, പ്രമുഖ ബ്രാന്‍ഡുകള്‍ എന്നിവരുടെ അക്കൌണ്ടുകള്‍ക്കായിരിക്കും വെരിഫിക്കേഷന്‍ മാര്‍ക്ക് നല്‍കുക.

ഈ ദിവസം നിങ്ങള്‍ക്ക് എങ്ങനെ? സൗജന്യമായി അറിയാന്‍ ഇവിടെ ക്ലിക്ക് ചെയ്യുക

DONT MISS
Top